Málfræði hefur löngum verið stór hluti af móðurmálskennslu íslenskra barna og unglinga. Hætt er við að hún verði staglkennd og jafnvel of fyrirferðamikil, á meðan aðrir veigamiklir þættir eins og ritun og tjáning sitja á hakanum. Með því að nýta sér krafta Stoðkennarans er hægt að vinna á markvissan hátt í málfræðinni og nýta sér gagnvirkni tölvunnar, bæði í skóla og heima fyrir, en nota þann tíma sem sparast við yfirferð verkefni til að vinna með móðurmálið á meira skapandi hátt.

Í þessu námskeiði, sem einkum er ætlað nemendum á unglingastigi, er farið ítarlega í orðflokkana, orðhlutafræði og grunnatriði setningafræðinnar. Í kennsluheftinu er farið markvisst í þessi atriði en að auki er boðið upp á fjölda verkefna þar sem kafað er dýpra í það efni sem tekið er til umfjöllunar í heftinu. Einnig býður Stoðkennarinn upp á gagnasafn þar sem nemendur geta flett upp skilgreiningum og útskýringum á málfræðihugtökum.